ياكثر ما احتاجك وألقى الوساده=أحلام تاخذني لحضنك وجيتك
واصحى وغيري صحوته في سعاده=واقول ودي لو صحيت ولقيتك ؟!
أخاف أهوجس فيك وتصير عاده=ويمكن تلاقيني على باب بيتك
مجنون قلبي دوم زايد عناده= يخاطبك ويقول أنا ماقريتك
بقتلك بالغيره وتصبح اشاده=وأكون أسطورة لأني هويتك
باعلّقك في صدري اجمل قلاده=تكون جنب القلب لامن دعيتك
وباسمعك نبضي بيوم الولاده=ولادة احساسي يومن رويتك
رويتك الشهد الطبيعي مداده=وأثر القلم ينزف لامن نويتك
يا ملهمتني مابقى من افاده=وضحت حبي لك وإنتي عنيتك
في جيتك يصبح لحبي السياده=وفي غيبتك ليتك تحسين ليتك
يعلن حداد الكون فيني سواده=وأجلس أفكر بك وأنا ماسليتك
إلين يبقى من خفوقي رماده=ببقى أحبك دامني ماعصيتك
الشاعر سهر الليل
ليست هناك تعليقات:
إرسال تعليق