امسيت وقلبي من عنا الوقت مجروح
أقلـب الذكـرى بصفحـات الأيــام
همٍ يلازمنـي معـي ويـن مـاروح
وإليا هجعوا كل المخاليـق مـا نـام"
يامهدي البيتين وتشكي لي النوح
وتقول عمي ياسند كل الأعوام
دنياك هذي ماستوت للنبي نوح
كلٍ بهمه ومن شكى هم ما انلام
خذها حياتك بسمةٍ تبني صروح
وأنسى همومك دام عزوتك من يام
أنت أعتبرها كلمة في وسط لوح
وآنا أعتبرها كلها اضغاث أحلام
يامرحبا يلي مقاسمني البوح
ترحيبةٍ يسمع صداها هل الشام
وازن أمورك بين وقفات ومزوح
وخلك صقر ينشاف بالجو لو حام
السهر
ليست هناك تعليقات:
إرسال تعليق