كنت أكتب عن مسائي دونها؟!
وكنت أكتب عن صباح عيونها؟!!
كنت أسأل هالنجوم أشلون لو غابت حياتي
كيف بتكون السماء من دون شوفك يالعنود
وكنت أسأل هالورود أشلون لو غابت حياتي
مابقى بالكون عطر ولاورود
كنت أسأل هالبحر هو صحيح انها عروسه
كنت أسأل هالصحاري عن مطر محبوبتي
ماوصلني من اجابه
والبشر مابه بشر
غير قلبك يالسهر
محبته لآخر مدى
قلب ينبض بالمحبه ودوم يسمعها صدى
من يجاوب غير قلب اللي أبيه
من يناديني حبيبي ولّي يرحم والديه
اشتقت للقمرى معاها
اشتقت للنسمه بهواها
من يقول الكون كله مجتمع في هالعيون
من يقول الشوق معها واصل لحد الجنون
من سوالفها الحياة
ومن يقرب من حماها أكيد بيلاقي جزاه
متفرسه فيني أنا
متمرده صعبه عنيده تعشق أسلوب العنا
محدٍ قوى احساسها
محدٍ يقاوم شوفها
كلٍ يسلم رايته
حتى أنا
وأفتخر في هالهزيمه واعتبرها انتصار
يابخت من تهزمه نجلى ويبقى في حصار
باموت انا في سجنها
مابي أعيش بدونها
وإن مت أنا في حضنها أو حصنها
قولوا فدا لعيونها.
السهـــر
ليست هناك تعليقات:
إرسال تعليق