البارحه شوقي لجرحك دعاني
ويقول آسف لوبحبي تماديت
ترى الأسف ماينقص اليوم شاني
بس المشاعر قالت أتأسف وجيت
حبيبتي بالأمس ماني أناني
وحبيبتي لليوم يادوب حسيت
حقك علي إن كان حظي جفاني
ما أنساك لو إني لبعدك تناسيت
بحفظ لك التقدير وكل الأماني
وأقفل علي بابي وآقول مليت
مليت أحب وما أبي شخص ثاني
ماعاد يفرق حي أو إني الميت
دامي هويت وكن محدٍ هواني
وأكتب له أبياتي بيت بعد بيت
وآجيه وأسبق بالمشاعر زماني
وأعطيه من فيض المحاني تنهايت
وآشوف احساسه بحبي هجاني
خفت اجرحه وآقول ياهيه أخطيت
خل الخطى مني وآكون جاني
وآخذ جزاي الّي رماني وسجيت
نزفت بعض أبيات لني أعاني
وفي خاطري بركان لوكنت ونيت
من عادتي أصبر على الي كواني
وأتأسف لغيري لوكنت زليت
حنا بشر احساس فيض المعاني
وماعاد تنفع قولت الحب ياليت
ماللندمه بالمحبه مكاني
ومايرجع الي راح لوكنت ناديت
السهــــــــــــر
ليست هناك تعليقات:
إرسال تعليق