أول رسالاتي إن تم الإرسال
آسف حياتي يوم قطع المراسيل
حبيتك احساس وأقوال وأفعال
وأنتي عشقتيني عشق المهابيل
جننتك بطبعي من حال لي حال
لفيت فيك الكون ورد وقناديل
حضنتك بلهفه وهمسه وموال
وضحكت أنا وياك ودموعك تسيل
كنت البعيد الي تحسينه آمال
وصرت القريب الي يعرف التفاصيل
إن كان شفتي في غرامي لك أهوال
مافي عذاب الحب كيف وتساهيل
إما تحبيني مع الوقت لو مال
ولا اتركيني في هموم وغرابيل
حبيبة القلب الشقي كيف الأحوال
من حقي أسال عنك لو قيل ماقيل
طبع الوفا فينا مازال.. مازال
ماظنتي يخفاك زول الرجاجيل
شربت ماك العذب وأثر الشقى طال
ورغم الضمى فيني اسقيتك النيل
ليتك تحسين بخفوقي إذا قال
إنك فرس ماغيرها لاقني خيل
الس’هــر
ليست هناك تعليقات:
إرسال تعليق