عمر المخوّه ماتجي في رساله
الخوّه الي بيننا دموع وعناق
ماني بعيد وسالي الفكر داله
آنا معك مابيننا حب وفراق
حنا اعتلينا بالشيم والأصاله
متوارث يجي لنا الطيب رقراق
لي جا المسا كنك سهيل بجماله
وإن جا الفجر بسمتك هي نور الاشراق
يانسل طير شامخ بكل حاله
بتحس في ردي تناهيد الأوراق
ياخوي ياشمس لنور الجهاله
ياعزوتي ياضي بعيون عشاق
احساس شاعر سعد من كنت فاله
منك الموده ماتجي من ولد عاق
الدم يجري في عروقك سباله
مو دم عادي إنت دمك من أمواق
ماكل حمل نعرفه يرتكا له
ولاكل زول القرب منّه بينطاق
ياكثر ناس ماتعرف الجماله
ولاخير في ناس مع الموج تنساق
ماغير رب معتلي ينشكا له
ويجيك خيره وافر مثل دفاق
ترتاح من حكمه وفيه العداله
وترتاح نفسك من تفاكير وارهاق
من ياصلك زد في أواصر وصاله
ومن يقطعك حبل الوصل عند خلاق
يانايفٍ قدرك على كل حاله
والله ماتاصله نظرات الأحداق
إنت إن طلبت الروح جاتك سهاله
خذها كمانوض تخايله براق
زايد غلاك وزاد اسمك دلاله
منهو نصى شرواك ماضنتي ضاق
الشكر للمولى عزيز ٍجلاله
والشكر لأهل الجود من كل الأعماق
الشاعر سهر الليل
ليست هناك تعليقات:
إرسال تعليق