همني قلبك ؟!

كل شي بالكون ممكن يختفي

إلا حبك دايم بروحي مداه

ياحمامة حب طيري ورفرفي

وهمسك بقلبي دوم اسمع صداه

كل شمع الكون بيدي ينطفي

إلا نبراس الهوى ساطع ضياه

وكل ورد لو أشمه بكتفي

إلا وردك ما أساوم في غلاه

مالغيرك أنبسط أو أحتفي

وما أقول لغيرك إن عمري فداه

من أسرتيني وكنتي تعرفي

إن قلبي مخلص لك في هواه

تظلميني بالهوى أو تنصفي

همني قلبك وكيف أكسب رضاه

ياعزيزه ما أبي لي تحلفي

قلبي المجروح ماجاه وكفاه

بس زوريني بحلمك واكتفي

وادعي لقلبي عسى القى دواه

والعدل في حكمك انتي تنصفي

وكل قلبٍ نيته فيما نواه

لاتقولي لي أسف تتأسفي

إن ظلمك القلب قولي الله معاه

وإن فهمتيني وقصدك تعطفي

إنتي نبع الحب وطوق للنجاه

من هيامي فيك ابيك تسولفي

ومن جمالك لون ربي في سماه

عشت حبك ما أغيّر موقفي

من يقول إن لي بهالدنيا سواه

سهر الليل