اهديتها قلبي ونبل أخلاقي
وأهدتني البسمه وروحٍ حيّه
حبيتها والحب من أعماقي
مهره أصيله من فرس شرقيه
الحب يأهل الحب دايم راقي
مابيننا كلماتنا عفويّه
البعد لو لحضات ماينطاقي
والشوق ماهو في يده ويديه
يلي تعاني الحب والأشواقي
عندك على قلبي ختم ملكيّه
وأنا ملكت قليبك الدفاقي
وحضنت شوقك والشواهد ميّه
مابي أقول أشكثر انا مشتاقي
بقطف لك أحلام الهوى الورديه
شوفي الغرام بنظرتي واحداقي
وشوفي غرامك ايش سوّى فيّه
خلاني أبحر ثم نوى باغراقي
ياحلو بحر عيونك العسليه
دايم وأنا أحلم كيف لك أنساقي
وآذوب مع همساتك السحريّه
إن لاق لك حرفي وشعري لاقي
هذا أشوفه في ثناك شويّه
محد على حبك على ثم فاقي
عيني تصور لك صور فوريّه
وغيرك هل الموضات بالأسواقي
وإنتي الطبيعه تاخذك حوريّه
آسوق لك خيلي وكل نياقي
أنا بدوي من كوكب الحريّه
وإن كان بالأتيكيت للعشاقي
شمعة أمل والورده الجوريّه
إن ماكتبتك في سماء أوراقي
شعري يتوه ويفقد الجنسيّه
ببقى أحبك دام نبضي باقي
وإن مت روحي وصتك بوصيّه
شوفي حياتك وانسي إني باقي
وادعي لي الله يصلح الذريّه
قلبك يعيش ومانوى بفراقي
وقلبي يموت وينتظر مرثيه
الشاعر سهر الليل
ليست هناك تعليقات:
إرسال تعليق