الود باقي بالقلوب السقيمه
والحب ماضنيت خاب الرجا فيه
يامن لكم حس بخفوقي وقيمه
شوفوا مدى تأثير خل مجافيه
لو ماسألتوا عنه هذي جريمة
ترى وليف الروح مافيه كافيه
وده معاكم بالشقى والظليمه
يروي عروق من ضماها تناديه
بس القدر صحى جروح قديمه
وأخفى صور ذكراه وأحلى أمانية
ياشينها فرقى النديم لنديمه
تسمع صداها يوم صدفه تلاقيه
تبكي عيون القلب لحظه أليمه
وتون آهات العتب من محانية
ودك ولاودك بضمه حميمة
تطفي لهيب بين لضلاع صاليه
وتشم انفاس العشق وسط غيمه
ودمعٍ تحدر فوق خده تلاقيه
كل شكى همه وطفى هشيمة
وتواعدوا مافات يدفن بماضيه
الله يازين النوايا السليمة
خل طوال العمر ودك تماشية
تضم طيفه واليدين الكريمه
يهدا لها وردٍ خضر روابيه
تغيض عذال الهوى والحشيمه
وتحن له وتجن لا جاك طاريه
وتعانقه بالصبح لقبل نسيمه
ولا جا مسا الأحباب يسعد لياليه
سهر الليل
كلامات رائعة رغم الآلم الذى بين السطور
ردحذفالله يسعدك قلبك ويبعد عنك الاحزان
رآقت لـــي كثـيراً
سيدي سهر الليل
لقلمك الوردي رونق يفوق الابداع
لحضورك عبير الورد يسمو في سمانا
سيدي الغالي لا يسعني الي ان اقول لك ابداعت
وتميزت بكل كلمة وحرف هنا
لك بـآقت زهــور النرجس