روحي تحبك
متعلقه فيك
دايم ياقلبي
فيني وصيك
وآنا دايم من كلامك
صايرٍ قصة غرامك
تندهي لي كل مرّه
حبني في كل مّره
قربي مني أبيك
ميتٍ قلبي عليك
كل همي الابتسامه
ماتفارق شفتك
وكل همي إن الندامه
ماتماشي خطوتك
أتعب آنا في هواك
وأتعبك دايم معي
أشتري لحظة رضاك
وينطرب لك مسمعي
ليش دوم العشق ساهر
ليش نكتب هالمشاعر
التساؤل في محبتك ولقاك
التساؤل في غيابك عاطفه
صفعه حلوه من ليالي عاصفة
ذكرتني معطفك ليلة شتاك
حضنك وهمسة دفاك
كن الثواني واقفه
وكن الجنون يزورني
أولها دمعه ذارفه
نظرة غرام تعودني
لي متى نبقى نموت
ألفين مرّه
بالحياه
لي متى من دون صوت
نكتم الاحساس
وتذبل هالشفاه
لي متى ولي متى؟!
مل السؤال ومل الصبر منا
ياعاشق المجهول حنا هنا حنا
داخل خواطرنا ..
قلوب حبت حيل
وذاقت هموم وويل
فرصتها في كلمه
والحظ مهما عثر
أدري ولاهمّه
والله ولا همّه .
سهر الليل
ليست هناك تعليقات:
إرسال تعليق