ماقول عنها سوى شرياني ودمه
تجذبك بالهمس والنظره تناديهاااا
لا قلت أميره وش الي اقدر آلمه
تجي تناثر درر الله يجازيهاااا
هي شيخة الغيد لا قالت هي العمّه
كل الصبايا من الغيرة تعاديهااا
فيها جمال الطبيعه عزٍّ وهمّه
أنثى بها الارض تزهر في روابيهاااا
ديمه رذاذ وغيوم الكون ملتمة
تهدي لها حب قطرات تداريهاااااا
لاشافها الحب ذاب الشهد في فمّه
ماكنها الا نغمةٍ تسبق أغانيهاااااا
المترفة شف شذاها ماحدٍ شمّه
يدوخ منهاالبشر والطيب كاسيهاااا
لاسلهم الرمش كن النجم ماهمة
ولا نادت القلب يخفق ثم يلبيهاااااا
هذي هي الروح عهد صادقه ذمه
هذي هي الي من الآلام اداريهااااا
من دق بابي هواها لازم آضمه
تضيع مني علومي في ثوانيهاااا
يامبحره في خفوق زاد به همه
ارسي كما ترسي المراكب في موانيهااا
انتي اعتليتي الشموخ وصلك القمه
ماهي غريبه لك الأبيات اهديهاااا
سميتها القلب وهي من قال لي سمّه
وسمتني الروح يوم الروح تفديهاااا
الشاعر سهر الليل
ليست هناك تعليقات:
إرسال تعليق