يلي معودني على النوم بدري
خل السهر لي وانت تصبح على خير
الشوق لك ياصاحبي دوم يسري
يبقى مع الأيام لو ايش مايصير
تمون ياروح لها الحب عذري
لامايبي له فالنهايات تفسير
ببقى معك واقطف لك سنين عمري
واهديك من فيض المعاني تباشير
قلبي معك يلي مع الوقت تدري
إن غيبتي كانت بفعل المقادير
خذني بقايا هم واحكم بأمري
وداو الخفوق وقدر الوضع تقدير
يامعذبي حبك سكن وسط صدري
ورد نبت فيني وعطره معي غير
لي في عيونك غيمة دوم تجري
ترحيبها فيني تحدى المحاذير
ولي في شفاهك جمر والجمر يغري
وأنفاس آهاتك تحضن المشاوير
ولي مع حسنك احساس فطري
يشلني وافقد معاه التعابير
وتصور معاناتي ابيات شعري
ويشهد علي النجم والورد والطير
إنك على بالي امشي واهذري
مشكلتي بحبك من دون تفكير
لكن عسى ماغبت عنك وتدري
لابد مايبقى مع الوقت تأثير
حنا عشقنا بعضنا كيف مدري
ماضن في دنيا المحبه مخاسير
دام النوايا خير والحل جذري
الصبر مفتاح الفرج والتعاسير .
الشاعر سهر الليل
ليست هناك تعليقات:
إرسال تعليق