سألت الروح عن وجهك وقالت بالقمر تلقاه
وسألت من البشر ناس من الاشواق عطشانه
اتمتم باسمك والقى بداخل نبرتي مجراه
تعبت اعشق دروب الحلم بس النفس ولهانه
يا انتي ياجمال الهمس يانور ما امل اهواه
يا لوحه تنبض بشوفي وترقص حيل طربانه
تناديني هلا لبيه هلا بلي انا ما انساه
نسيت العالم بأسره عيوني فيه مليانه
سحابه تاخذ من الورد لونه وبالسما تقراه
وتاخذ من هديل الطير وتعزف اجمل الحانه
سنا برقك مطر حبك حنينك لهفتك والآه
تجافيني مشاعر هم وتلقى الروح ولهانه
ابيك اقرب من انفاسي وابي ماتحلفي بالله
عطيني نظرتك تحلف بنظره انها تعبانه
كذا نعرف بعضنا ياحياة القلب وياسلواه
اردد اعشقك واسمع صدى النبضات عشقانه
صباح الحب مساء الورد من همسه الين القاه
وبان من الشقى حبي عيوني حيل ذبلانه
وحالي يشتكي للوقت يقول ان العمر يفداه
من ناظرت بعيونه وصرت آدل عنوانه
الشاعر سهر الليل
ليست هناك تعليقات:
إرسال تعليق