قالت اكتب فيني يعني لوتعبر اي شي
بيت شعر من القصيد او مجرد خاطرة
قلت ماتدرين اني من اشوفك انتشي
كل ماشفتك نثرت الحب غيمه ماطرة
جيت ميت فيك خلقه ميتٍ في روح حي
واستمر الحب يسري بالعروق الغايره
فيك نور الفجر يبهر ونار قربك احلا في
وفيك عمر لوخسرته ما اظني خاسرة
كل ماقدمت شيٍ لك آشوفه لك شوي
وكل ماتعطين قلبي من هدايا نادره
اسكني داخل عيوني واغمريني بالحكي
واتبعي حب بقلبٍ لك الله فاطره
اعتبر ان الجواهر ناقصٍ منها ُحلي
تنتظر منك تجين في طبيعه ساحره
اه ياحظ ٍمعاند ليه لي حظٍ ردي
واه لو تسمح ظروفي والمسافه قادره
كنت طوعت الاماني لك خيوطٍ في يدي
وكنت خليت الليالي ابتسامه حاضره
بس قولي لي احبك واسمعي ردٍ شجي
قال يادنيا احبك حب ذيك الشاعره
شوق يجذبني حياتي للسما يم الجدي
شوق شبهته بنصرة هالشعوب الثايره
الشاعر سهر الليل
ليست هناك تعليقات:
إرسال تعليق