العيـــــــد يجبرني

• 
  

"لو قلت لك مليون مره احبك
لاهي بتگفيني ولاهي بتگفيگ "
انت الذي خليتيني دوم اودّك
والجزر يرجع والمعاليق تغليك
هذي مشاعر مانست يوم مدّك
والعيد يجبرني اعايد واهنيك
ياهيه يلي تنتمي لي بقلبك
دقات قلبي والمحاني تناديك
ان كنت انا مقوى عذابي بصدك
والروح في كل الخلايق تباريك
تاخذ جروحك ماتبي غير قربك
وتهيم في اهات حسك وطاريك
تدعي لك الله بالهدايه تعمّك
وتدعي عليك اللّي يضرك وناويك
ان جيتني عقب البطى كيف المّك
وان جيتني انسى العتب من الاقيك
نظرة عيونك تعني اني اهمّك
ودمعة عيونك تعني الموت بيديك
احترت انا والقلب يختار اسمك
واحترت كيف ارضي غرورك واداريك
اهواك ما انساك واجري بدمّك
واحفظ لك عهود الوفا قبل اناجيك
اسكن فؤادك وارتمي وسط يمّك
واشرب زلالك وارتوي من اياديك
واحن لك خلف الليالي واشمّك
وانام في حضنك وماني حواليك
ان كانت احلام الهوى بعض همّك
فاجمل عبارات الهوى كلها فيك.

الشاعر سهر الليل