حبيبتي يلي مع الصبر لك ثار
يبقى لوعدك في فؤادي حشيمه
اتخيلك نجمه وانحتك تذكار
واشم طيفك ليل يذبح نسيمه
يلي معك كل المشاعر والاسرار
ومنك معي كل النوايا السليمه
احكي لك همومي صغار وكبار
واطوي معك كل الجروح الاليمه
واسمع معاناتك والقلب منهار
واضم اهاتك وروحي سقيمه
البارحه مسجون والعالم احرار
واليوم ا نا حر وللحر قيمه
الي بلاه الناس مثواهم النار
والي ابتلاه الله رحمه عظيمه
يامن سكن قلبي بنيان واسوار
روحي بدونك مالها اي قيمه
والله احبك واعتذر منك واغار
ولولاك ما اصبر عن زماني وضيمه
مشيت لك خطوة عن الف مشوار
وبينت لك خافي النديم لنديمه
وانا معك لوبالهوى صار ماصار
هذا خفوقي وانتي فيه المقيمه
سلامتك مثل الوصيه على الجار
ومن حاول يكدر مزاجك جريمه
حبي ترى ماهو بنزوه ومسيار
حب جمع ما بين قاع وغيمه
فيه الوفى مشاعر كلها احرار
فيه العلاقه دوم تصبح حميمه.
الشاعر سهر الليل
ليست هناك تعليقات:
إرسال تعليق