ياخال ولله ماتعرف إن غلاكم
متربع مابين عيني وماها ..
.بس المصيبه ماهقينا خطاكم
يجرح عيوني ويتجاوز عماها
كسب المراجل مانبيها عداكم
أنتوا مكاسبنا وعزوة لوها
نمد يمنانا ونرجي وفاكم
والعرق خال والمعاليق ماها
ياما تحدينا الليالي معاكم
حن صيفكم لقبل عليكم شتاها
الروح تفداكم ولابه سواكم
ولاننتظر حبت خشم من وراها
إنتوا السند لو نحتمي في ذراكم
نطوي مسافه ماحدٍ قد طواها
دايم نلبي في نداكم بجاكم
وأبشر وحاضر والمشاعر معاها
ماننتظر منكم كلمة فداكم
نعرف معالم طيبنا من رداها
الله يسامحكم على ما وراكم
وكل له أجره من نوايا نواها
السهـــــــــــــــــــــــر
ليست هناك تعليقات:
إرسال تعليق