يلي عطيتك حياتي وإنت مشقيني
تفداك روحي ولو تبقى تعذبها
قلبي حلالك ومن حبك يغذيني
روح تماشيك لو انت بتجرّبها
صدقني إني هويتك يامنسيني
كل البشر دون شوفك ما أحسّبها
في داخل القلب لك صوره تناديني
والصوره الي معك أرجوك تحرقها
مابي يشوفون حب لك معنيني
ابيك تخفيها عن عيون تجاذبها
ياصاحبي آه منك ليه تدميني
مابي فراقي عن عيونك يتعّبها
تسهر تفكر وتتذكر وتطريني
وآنا أخفي الآه عن قلبك واحاربها
حبيتك العمر كله يامخليني
آشم عطر الورود الي تشذّبها
واهديتني عالمك مابين يدّيني
وغمرتني بالحنان ورحت تطربها
ياعازف الحب عزفك دوم يشجيني
كنك تلحن لروحي مايناسبها
أهواك يعني فديتك يامناديني
لبى عيونك إذا مالكحل يغلبها
حبيبتي بس والله من مدحتيني
دقات قلبي تسارع في تضاربها
تطريك بالخير دامك دوم تطريني
ياراس مال الحياه ومايكسبّها.
السهـــــــــــــــــــر
ليست هناك تعليقات:
إرسال تعليق