لاتوصيني على قلب عصاني
يستلذ بهمسك إلي ماقويته
جيّته لك بين لحضات وثواني
أنهره وأنصحه لكن مانهيته
كل صبحٍ فيك أحسه مانساني
وكن قلبك قال لي البيت بيته
من عطيته مهجتي منهو خذاني
من تولع بي وأنا ماقد سليته
ياعساني ما انحرم منك عساني
زارني طيفك وبكاني فديته
وابتسمت وقال لي تكفى عشاني
لاتضايق قلبي الغالي عطيته
وأنت أصبر لاتموت ولا تعاني
ولاتفكرني بذنبٍ قد جنيته
كلها فتره يجي قلب بمكاني
يسعدك يعطيك حبٍ ماعطيته
قلت أنا ماني ضعيف ولا أناني
بس حبك قادني وآنا سريته
لو بحر حبك بلاشط و مواني
تهت رغبه فيه وقلبي به رميته
ياعذابي حبك إنتي شكل ثاني
من نغم من روح احساسك نويته
ياغناتي ركزي حظي رماني
في طريق أمشيه وبقلبي مشيته
ما أنتظر عقلي يشاورني ولاني
أتبع المقفي ولوني قد شريته
من حنانك ذبت ويشهد لي زماني
ولا أنا من يعترض دربي محيته
ولو أقول أكرهك ذي زلة لساني
تعني إني أعشق انسان رويته
وارتويت بريقه إلي من سقاني
بردت اطرافي وخصره قد لويته
واحتضنته وكن كل الجسم لاني
ومن عيونه أفتهم لي مارأيته
رحت كلي ماقويت ومامداني
شدني وأنهيت كل إلي بديته
السهــــــــــــــــــــر
ليست هناك تعليقات:
إرسال تعليق