يامعذبني عذاب تنتخي منه الرجال
مت ولا عشت ماتنشد ولا تدري بحالي
من تناديني أجي لبيه ملهوف لوصال
ومن أقرب منك أعيش بهامشك كني لحالي
خاف ربك في حبيب ماتقول إلا وقال
وماتنوّي به يسوي تطلبه لوكان غالي
دوم هذي الروح ترخص للغضي صافي الدلال
بس مدري ليش اعيد بشرح من أول وتالي
والله إنك ماعرفتي غير صنف من الرجال
والبقيه بين كيف وبين سجات وجدالي
عاشقك يابنت صابر لوتميل به الليال
راسي قلبه بجسمك مثل ما ترسي الجبالي
ماتمنى غير فرحه ترتسم فوق الخيال
يزرع ورود المحبه في سماه ومايبالي
دامك انتي عايشه في خير يابنت الحلال
مايهم إن كان صاحي أو حياته للهبالي
بس تكفين ارفقي به وقربي منه المحال
وراعي ظروفه وروحٍ آخرتها للزوالي.
السهــــــــــــــــــــــر
ليست هناك تعليقات:
إرسال تعليق