مجنون هذا الغياب استوطن اطرافي
والقلب مجنون ماكن الأمر بيده
أتذكرك واحضنك ولّي بعد خافي
ما تدري الناس عن قلبي وتناهيده
أمشي على جمر حبك والقدم حافي
وآردد اسمك على الونات وآعيده
يامتلف الروح يامملوح ياوافي
ياناعس الطرف يا أصدق مواعيده
كن الشتا في ليالي همسك الدافي
يهديني العشق وأصبح من مواليده
ماكنك إلا بنات لفكري الغافي
تطلب قصيده والبي الأمر وآزيده
دونتك الفاتنه في حرفي وقافي
دونتك المتعبه في درب ماحيده
لو قالت جروح قلبي حبك و كافي
أبيك تدرين بس اليوم ذا عيده
مليت هجر وعناد وقلب متجافي
والصاحب الي مع العذال ما آريده
إما تجيني وفي وبقلب متعافي
يفداك هالقلب بالاحساس وتفيده
ولا فخلك تناديني وأنا جافي
بنساك وانسى ..الغرام الله لايعيده
السهـــــــــــــــــــــــر
ليست هناك تعليقات:
إرسال تعليق