لك همسةٍ تطري على بالي وتلعبْ بي
ولك ضحكةٍ أجمل من الشعر وقوافيّه
يالصوره الي مع الأيام لك حبي
ويالباقه الي بها ورد السعوديّه
إنتي هبوب الهوى لاذعذع الغربي
وانتي جمال البحر واحلى شواطيّه
حبيتك وحافظ لك ود في قلبي
حتى ولو كنتي بحبك لي مزاجيّه
اغليك واكتم بصدري ضيق واخبي
وآمرر الكايده وآقول عاديّه
وإن كان مررتي لي الغلطات من حبي
انتي كريمه وجتني منك عفويّه
الله يازين دربك وافقه دربي
أمشي مغمض معاي أحلام ورديّه
أتخيلك مع صباحي قايدة سربي
وأتخيلك مع نسيم الليل جوريّه
عطاك ربي جمال وزاد بك ربي
روحٍ خفيفه وقلبٍ فاق حنيّه
لوتندهين الخفوق جالك يلبي
ياحي صوتك واحساسك وطاريّه
إن كان قلبك يبيني ميت بقربي
قولي لقلبك انا ميّت علي يديّه
سهــــــر اللــــيل
ليست هناك تعليقات:
إرسال تعليق