صباحك ياصباح الخير
ومسائك أجمل الأوطان
إذا شفتك أعكس السير
وأجدّد للغلا عنوان
ياريحة وردة النّوّير
يا أغلا روح في إنسان
ياشيهانه بوصف الطير
يا أحلى نغمه وألحان
ياصوره مارسمها الغير
أنا المغرم أنا الولهان
أتوه بعالمك وآغير
من عيون البشر والجان
واذا ودك بعد تحذير
لبستك عشق في فستان
اجنن قلبك بتعبير
وبسمة نعمة النسيان
واذا مني حصل تقصير
أنا آسف وأنا غلطان
سؤالك لي متى بيصير
لقانا بعد هالحرماااان
وهل أثر غيابي كثير
وهل لازلت بالحسبان
آقول الحب مو تغيير
وبعدك زاد بي الأحزان
وقلب ماقبل تخدير
وشوق زلزل الكتمان
سؤالك مايبي تفسير
أنا في داخلي بركان
تفجر وسال بالتعبير
كتب حبك على الجدران
رجعت سنين وآنا صغير
ارسم قلب من ألوان
وسهم يعني التأثير
وروح تعني الغرقان
مسائك يامساءٍ غير
صباحك نورس الشطآن
سهر الليل
ليست هناك تعليقات:
إرسال تعليق