لي زيارة لك ترى كل ماحن الضمير
ولك زيارة لي مع مر السنين الموجعة
إيه أعرفك ياغرام تاه به درب المصير
والهوى جرح عيونك لين صارت تدمعة
كانت الساعه مسا الله يمسيك خير
يوم شفتك مقبله والخطاوي مسرعة
كلها لحظات حب ماوقفتي للأخير
مامداني المحك الا وانتي مودعة
التفت لك واطلب الله تلتفت وهي تسير
واثر قلبك ناوي بس انتي مو معه
ريحة العطر بوصولك بهذلت فيني كثير
وريحة العطر برحيلك آه منه مروعة
جننتني ضحكتك في هاتفي عبر الأثير
قلت وين أشوف حسنك بدل ماني اسمعه
ودقت الساعه صبر ودق قلبي للهجيررر
ودق ناقوس الخطر والظروف مصرقعة
كل ماقلنا سهل قالت الدنيا عسير
وكل ماقلنا الصراحة لبست وجيه اقنعه
ياتعبنا وين رايح اسمع أصوات النذير
صاحت اهات المشاعر ودها لو تمنعه
بس راح وراح قلبي يتبعه مثل الأسير
والله انه باقي ينبض بحلم يجمعة
الأمل باقي وقلبي ينتظر فرحة ضرير
شاف نور ومات فرحة والمصيبة مفجعة
طير ياهمي وخل الهم عن قلبه يطير
وبدله لوحة جميلة والفرح له اطبعة
وحذره من موت خله لادنت حزة عصير
وقول له لو كان ناوي بالفراق الله معه
لي معزة ماتهون وبحر حبي له غزير
لكن الواجب دفعني قال لي أبقى معه.
الشاعر سهر الليل
ليست هناك تعليقات:
إرسال تعليق