حـــــب ســلــطــان

مرثيتي ماهي قصيدة بسلطان

سلطان ديوان القلوب الوفيّه

الي تغنت به على مر لزمان

سلطان يا أجمل هبات البريّه

من لا منا في حب سلطان غلطان

راعي العلوم الغانمه والسخيّه

قلب عطوف وروح تجري بوديان

تروي قلوب من تعبها نديّة

منهو نصاك بيوم مارد خسران

ومنهو قعد وياك اكبر هديّه

يابخت منهو قدّم أفعال سلطان

تلقاه بآخرته و نفسه رضيّه

نبكيك يوم ان المفارق بلكفان

ونبكي عزيز طاولته المنيّه

يبكيك هالعالم في فقد انسان

غذى عقول بابتسامه غنيّه

فيها رضى فيها تواضع واحسان

فيها الشفا ياسامعين الوصيّة

مامات ابو خالد وماهو لنسيان

يبقى اثر فعله بريحه زكيه

أدعو معي بالرحمة لروح سلطان

ويجزيه ربي الخير مع كل نيّه 

بيت القصيد الله يغفر لسلطان

ويبدّله خير من الّي دنيّه

محد بقى وكل من فوقها فان

يرحمك يا صورة مع الشمس حيّه.

الشاعر سهر الليل