قالت تعب حبك وفيك الشقى طال
ارجاك تذكرني وحبي تلمه
لكن قبل ارحل ابي عهد رجال
ابيك تستر ماحصل لاتعمه
وانا على عهدك ياذرب الافعال
ما انساك لوحبك تجرعت سمه
مجبورة ارحل واشتكي قسوة الحال
حالي حزينه والشقى دوم اضمه
انا اصيله بالشرف بنت رجال
حبن على غير الشرف لي مذمه
ماني قريبه من جهة ام او خال
ولا عوانيه ولا بنت عمه
انا عرفته صدفة بين الازوال
يازينها من صدفة جات لمه
واقول انا للي نصتني بالاقوال
ماظنتي مثلي بيبخل بدمه
هي ماجفتني بس انا بكل الاحوال
جفيتها واحرقت قلبي بهمه
ابي سعادتها والحب لازال
في كل ورده من حياتي اشمه
سم الهوى ياقاري حرف يختال
سمه عذاب الروح والشهد سمه.
الشاعر سهر الليل
ليست هناك تعليقات:
إرسال تعليق