لاغبت عنك اعذري لي ظروفي
وشوفي حروفي كيف تبني القصيده
اشكثر احبك لوتحسي بخوفي
آخاف ارمش وافقدك في دقيقه
حطي عيونك في عيوني وشوفي
اثر الجروح الخافيه والحقيقه
شوقٍ ذبحني ماكن وسط جوفي
يتلني لقصى الضمى في حريقه
مقدر اخبي نبضة في خفوقي
وطيف يباريني مع كل ضيقه
يابهجة الدنيا ويالون كيفي
يافتنة الأنثى بكل الخليقه
لاشفت لك صورة تورد عروقي
واحس قلبي وردة في حديقه
انتي ومامثلك بشر بس روقي
الحزن في عينك أبد ما اطيقه
تبسمي ياشمس عمري وشوقي
مقدر اقاوم منك بسمة رقيقه
الحب عندي غير تدرين ذوقي
صعب على غيرك وهذي الحقيقه
الشاعر سهر الليل
ليست هناك تعليقات:
إرسال تعليق