(( أحبك آه أنا ياليت قلبي شعلة من نور
كريم مثل شوق الدمعه الي تسكن أهدابك
***
أحبك وش بقى مني حطام العاشق المغرور
وما أظن الزمان الي مضى يرجع من أسبابك
***
ولكن صدقيني الصدق في هذا الزمان شعور
يحبك من صدق لك مرّةٍ ماهمّه عتابك
***
أمانه لاتصبين العمر في كاسي المكسور
مادام ان فـ يدي ريشة ظما ترسم لي غيابك))
***
أنادي حلمي الصامت وهو مثلي ترى مقهور
حروف الجرح سالت واحتمت في ظلمة كتابك
***
على حدود الرجا صار الوصل في غربته محصور
سما حزني بها غيمة ألم تسأل عن اسرابك
***
بنيت بقلبي الخالي لقلبك أرصفه وقصور
تورّق بالي بذكرك وطير الحب غنّابك
***
سهرتك لين صار الليل يفضح نجمي المستور
ألوم الحظ باسم العشق والتنهيد وعتابك
***
أشوف الكون بوجودك معي متهني ومسرور
واشوف العمر ذابل ينتظر وردك وأعنابك
***
أمانه لاتخلين الوهم في داخلي منثور
أمانه لمي جراحي بعقدٍ يبهر احبابك
***
أحبك كلمةٍ مخلوقةٍ من انتظار ونور
وأحبك كثرهجرٍ راح بك والوقت ماجابك
السهــــــــــــــــــــر
ليست هناك تعليقات:
إرسال تعليق