أمي

الي خلقها كن ماغيرها حد

استغفر الله في خشوع وسكينه

الله احد والله صمد والله الفرد

سبحان من صور نور المدينه

أمي حباها الله طيبه بلا حد

أم تنسيك الليالي الحزينه

أم لها الطاعه والشكر والحمد

ورده نداها دايم مع سنينه

ورده وماهي تشبه لغيرها ورد

اللون غير والشذا ياسمينه

نعمة كريم وايدها دوم تنمد

تعطي عطاها مثل بحر لسفينه

صلاتها دعواتها يوم تسجد

تحفظ ضناي ودوم ربي تعينه

تهدي لنا الدعوه والدمع يشهد

والابتسامه في عيون سجينه

ماهي قصيده تنكتب لكن القصد

انها مشاعر قلب زايد حنينه

للي لها فضل وعجزنا عن الرد

محد معاها وافي بكل دينه

هي غيمه الدنيا تبرق وترعد

وينزل مطر كنه جواهر ثمينه

كلماتها بلسم وضحكاتها الشهد

والوجه شمس تشرق بكل فينه

الله يحفظها وياعمرها زد

وخذ مننا صحه وعطها الأمينه

هي من عطت عريبة الساس والجد

والراكزه والطيبه والرزينه

هي من تشيلك بعد ماحيلك انهد

ومن هو عصاها دوم ربي يهينه

الشاعر سهر الليل

‏